Day 01 - 20100930 Barcelona ?? 〔Alex]

Day 01 巴塞隆納 各地機場尋寳Amazing Race
HK--> London --> Barcelona
變成 HK--> London --> Lisboa --> Barcelona

今次航空公司既安排, 真係要比好多個劣劣劣劣劣劣劣劣劣
首先Cathay去London班機delay, Cathay 又唔幫我o地hold住班connecting flight. 其實我地落機時仲有 30-40分鐘先到個班巴塞隆納機起飛. Cathay個地勤不單只安排差, 仲大話西遊, 一時話 terminal 3, 一時話 terminal 5, 又話你一定趕唔到．

實情全部都o係terminal3, 如果佢地肯同我地開路(即係打尖唔駛排隊), 10 分鐘應該可以去到登機閘同catch up 得到班機.　hold 唔到機不特止, 改飛航班仲離譜, 我地原先應該由倫敦飛去巴塞隆納，但因為前一天西班牙全國大罷工，所有航班都好滿，所以要我地改成由倫敦飛去葡萄牙里斯本，再轉機去巴塞隆納，更離譜既係6個人要分開兩班唔同時間o既飛機, 仲要話"要一齊你o地自己去BA Counter 試下". 你地攪到我o地catch up唔到班機, 都唔offer幫下忙, 真係你死你事...

真係劣劣劣劣劣


BA Counter 本來個印度姐姐幾好, 幫我o地攪番D接駁機可以全部係同一班(仲係早個班). 可惜有兩張登機証未出到, 因為有一d手續要等Cathay做左先, 好似係要取消番之前個Booking, 新呢個 Booking先可以確認同出登機証.
點知Cathay 個當值職員仲未返工（你話係未劣) , 印度姐姐又夠鐘放工. 佢唯有交低所有confirmation資料俾一個剛上班O既英國仔接手. 嘿嘿, 出事了. 等到Cathay 個阿姐番到, 佢兩個up o左一輪. 答案係攪唔到. 真係晴天霹靂. 明明印度姐姐攪好哂仲攞到booking number. 點解會唔得？

Cathay姐姐一面扮慒"I don't know". BA哥哥就話Computer show 出黎係咁. 仲要話最初Cathay 同我地book既機位都無埋, 一切從頭黎過. 唔係呀? 真係火都黎埋, 要佢搵Cathay 最初個地勤理論一番. 點知個地勤又去o左settle 另一班delay機　....

真係你有你講, 佢地就一味No No No. Cathay姐姐仲番埋位睇報紙闊佬懶理.... 擾攘一輪後Cathay個地勤打電話番黎（嘿,佢真係唔敢出黎面對我o地). 佢同BA 哥哥研討一論後，好神奇又得o左, 不過有兩份登機証都係印唔到，要去到里斯本既TP counter 至可以印　....

我地問埋佢地d行李會點, 佢話會跟番我地個行程一齊走, 不過去到里斯本最好同TP既地勤確認一下(咁簡單既野都俾唔到信心我地). 你話果兩個Cathay姐姐同BA哥哥究竟做緊mud野.

BA 哥哥都叫做識聽指示幫我地攞到機位同入下電腦印個 e-ticket俾我地, Cathay姐姐除o左借個電話俾我o地講下之外, 全程差不多係到睇報紙同埋敷衍o左兩個客人. 最後雖然好彩攪掂左,不過佢o地無為佢o地o既無能而有任何歉意...唉. 都好劣下....

P.S.去到閘口等上機去里斯本, 見到早一班去巴塞隆納既機都delay飛唔到, 心諗如果一開始Cathay 肯同我o地趕原本班接駁機, 再加埋班機自己又delay, 我地實趕得到, 不過往已.....心念急轉, 如果我o地呢班又delay, 去到里斯本會唔會又再上演多幕 Missing Flight. 心情真係無時安樂.

到左Lisboa, 真係遲左少少. 爭取時間搵TP既counter印登機証，而且BA個條友remind 我地搵TP既地勤check下ｄ行李....係一個好隱蔽既位置搵到TP既counter, 得一個阿姐，但係佢好似一舊雲咁, 一味叫我地比時間佢整理一下, 我地又睇唔出佢整到d咩野出黎. 淨係見佢[奏]埋眉頭好puzzle..
見佢攪左好耐都毫無頭緒，我地就搵左個靚仔機場哥哥黎幫手, TP阿姐一見到個靚仔哥哥行埋黎，即刻扮哂醒目，變得好似好知點搞, 自己係個電腦打來打去, 又話見到我地有四件行李, 佢話要幫我地既行李入番好個名, 但佢又攪唔清楚邊件係邊個人, 又唔俾我地幫手, 又係都唔俾靚仔哥哥插手. 提佢幫我地出登機証，佢又唔高興，話一出左ｄ登機証，佢就唔包保我地ｄ行李跟到我地, 繼續係個電腦到左打右打.

如是者攪左20-30分鐘, 我地見勢色唔對兼時間緊迫, 堅持要佢印登機証，然後我地又要趕飛機去也....好彩沒有上演Missing Flight 2.






終於到左巴塞隆納機場, 行李帶上一件我地既行李都無. 最後係Lost & Found 搵到三件行李(好公平, 6個人，每 pair有 1 件), 最攪鬼係我地發現行李係由London 直到Barcelona (仲早過我o地到Barcelona) 你話Cathay地勤,Cathay姐姐, BA哥哥 同TP阿姐究竟做緊mud野. 個TP阿姐仲浪費左我地好多時間攪緊ｄ根本唔存在係TP航機o既行李, 佢不如留番果d時間俾我地係葡萄牙機場逛下，食下葡撻啦.

三家航空公司真係不知所謂....劣劣劣劣劣劣劣劣劣

雖然好彩攞到3件行李, 但無o左另外3件都令我地好忐忑不安, 又等又搵咁攪左兩粒鐘都唔見, 已經身心疲累, 無力再戰. 只好離開機場去Apartment, 不過我地唔記得通知Apartment負責人我地遲左，結果俾佢地罰我地15 Euro, 真係雪上加霜, 一波三折.


整日行程就係遊機場, 搵行李.....My God...出師不利！

　　
　　

Day 01 - 20100930 巴塞隆納 [Antony]

滿心歡喜出發去旅行，可惜......

由香港去倫敦班機唔知咩事遲咗起飛，令我們趕唔到轉飛去巴塞隆納個班機，亦未能安排其他直航機，原因係西班牙昨日大罷工，今日直飛巴塞隆納全部都冇位兼超賣，航空公司安排我們經里斯本再去巴塞隆納，唉，好無奈．

因為里斯本去巴塞隆納個程未能安排我們六人坐同一班機，唯有去航空公司希望可以安排吓，幾經波折最終都可以一齊，感謝主呀，不過已沒有時間兼心情麻麻，直接去閘口等上飛機．

去到里斯本，又要去航空公司度 follow-up 自己嘅行李，點知個地勤完全 1010，話見到四件行李不過唔知邊兩件唔見咗，佢幫唔到手之餘還令我們險些兒趕唔到班機，唉，連個正宗葡撻都冇時間見吓，唔好講話食吓．

幾經辛苦用咗２４個鐘才到達巴塞隆納.

全部行李都唔見，諗住去報失行李，俾我們見到三件係報失處，還欠三件，搵到個三件係由倫敦直飛巴塞隆納，里斯本個地勤話有四件唔知咩嚟呢，真係激鬼氣．唯有係機場周圍搵吓等吓希望找到啦，可惜用咗兩小時都係得個桔．在極度疲倦之下決定離開，原本行程係上午到達還有半日遊，現在太陽都落咗山都未去到 apartment，好唔開心．我兩公婆已經比較舒服啦，全部都係朋友搞掂，我唔識英文幫唔到手，只可以係旁邊做塘邊鶴，真係唔該 my dear friends，回來要請他們食飯補數．

去到 apartment，又俾人罰錢話我們遲到，都費時同佢理論．後來發現 Wi-Fi 又唔 work，我們都係因為佢有 Wi-Fi 先選呢間，香港人冇得上網好唔方便嘛，但係佢話依家搞唔到，應承明天早上會整好俾我們，無奈之下只希望佢明天真係搞得掂啦．

終於十點才落街食晚飯，雖然間餐廳 La Fonda 都唔錯，可惜心情實在太低落又十分疲倦，食完後便回去睡覺，希望明天會更好．

前奏 - 西班牙我來了, 夢劇場我來也 [Antony]

籌備經年，無咁耐，大約半年時間，終於準備出發，心情好興奮．

今次主要目的係去曼聯主場（夢劇場）睇波兼去追星（老餅追星），不過支持咗曼聯二十幾年，簡直同 Giggs 一起成長，都好希望近距離同佢見面，影相兼攞簽名，希望願望成真．


要去英國睇波，首先要找米飯班主（老婆大人）攞 approval 啦，點樣可以令佢 support 我，和朋友相量後，決定加遊西班牙，終於得到老婆大人首肯（講笑啫，齋去睇波佢都會支持我，不過我自己覺得坐十幾個鐘去英國齋睇波，都過唔到自己個關）．

今次還加上兩位新成員和我們一起遊西班牙，咁老婆就唔駛陪我去睇波兼追星，上次佢陪我去睇作客球賽，足足企咗兩粒鐘，我都有些過意不去．

經過數次修改，最終行程出爐啦：　Barcelona，Granada，Malaga(Ronda，Nerja)，Sevilla，Madrid(Segovia)，
Manchester，London

預訂機票，酒店，火車，經過上次英法之旅後，今次頗順利地完成，最重要係找朋友 Jenny 幫我們買波飛，主場波飛，一票難求，真係唔該晒．

之前上網找資料時，才知道西班牙搶劫好嚴重，巴塞隆納還是十大之一．還發現出發前一日西班牙大罷工，火車都受影響，希望唔關我哋事，一齊順順利利．

不過很不幸地我已病了三個禮拜，腸胃炎，我怕過到西班牙冇得食好嘢，齋食麵包和粥水已一個禮拜，希望可以盡快康復，可惜事與願違，不過希望不會影響我們的行程．

希望一路事事順利，玩得開心之餘還願望成真．出發啦，西班牙我來了．

前奏 - 歐遊再出擊 [Alex]

經過兩年後的準備及儲備, 同一個晚上, 我O地會再度出擊, 勇闖歐洲-西班牙 , 重訪曼聯.


現在努力打點工作, 希望當日可以早D放工, 上征途..
好期待曼徹斯特追星同主場球賽....

前奏 [Dorothy]

相隔不足兩年, 又再次計劃踏足歐洲, 其中一個原因都係為左曼聯既傑斯, 見到有ｄ網友專程去到曼聯既練習場搵傑斯, 真係令人羡慕, 我都好想試下，因為我真係好想好想近距離見傑斯真人, 好想搵傑斯簽名, 好想同傑斯合照 …

加上好希望係奧脫福球場睇曼聯比賽, 好想感受曼聯主場既興奮氣氛, 好想親身見證曼聯主場入波既震撼場面 …

又加上好想去西班牙, 好想見識一下巴塞隆納高第 Gaudi既鬼斧神工, 好想見識下西班牙南部美麗如畫既白色山城, 好想見識西班牙美味既海鮮飯, 烤乳豬, 西班牙火腿, 仲好想係馬德里偶遇皇馬既龍門卡斯拿斯 ….

其實唔駛急去西班牙既, 去奧脫福球場睇曼聯都唔急, 最急係要去搵傑斯, 因為唔知佢幾時會退休離開曼聯, 踢埋今季就退休, 定係踢多一季呢? 無人知, 咁啱, 我家姐同姐夫今年又要去西班牙, 就係咁我地就決定安排2010西班牙/英國之旅.

即係話, 我地今次既陣容好厲害, 除左有我地2008年英法之旅既原班人馬外 (我, 老公, 好朋友兼曼聯迷Antony, 好朋友兼Antony 老婆既 Ceci), 仲有我家姐 Anthea 同姐夫 Ronald, 合共六個人一齊去西班牙, 至於英國曼聯之行就由我地三個曼聯迷負責.

要夾到六個人既時間已經唔易, 再夾埋曼聯主場既賽期就更難, 不過最終我地都揀到一個唔錯既檔期, 2010年9月29日出發, 十三日西班牙, 五日英國曼城, 計劃係10月17日睇曼聯主場西布朗.

經過一輪行程安排後, 訂好了所有機票, 車飛, 酒店, 搵齊哂去見傑斯同其他曼聯球星既資料後, 歡天喜地期待呢次既夢想之旅, 怎知係我地出發前兩個星期, 突然知道西班牙係9月29日全國大罷工, 即係我地出發個日, 唉… 唔知對我地有無影響呢 ? 到出發前三天, 知道傑斯比賽時受左傷, 唉 … 好擔心呀, 傑斯唔好有事呀, 除左擔心傑斯既傷勢外, 當然擔心到我地去到英國時見佢唔到喇, 幸好費sir話傑斯唔係傷得好嚴重, 要休息兩個星期左右, 好彩, 我地都仲有機會, 希望佢快ｄ好番回復狀態啦.

至於曼聯主場西布朗既波飛, 一如上次, 我地都係情商住係Manchester既好朋友Jenny幫我地找朋友讓飛, 係我地出發前, 仲未收到好消息, 所以我個心仲未可以好踏實, 今次呢個歐洲之旅, 存在好多變數, 相信一定好刺激.