前奏-Alex

Alex:
用歐洲作為結婚十週年的紀念旅行, 真係最好不過. 去歐洲得的確有新鮮感, 仲會計劃現場睇波, 回想很久以前係大球場睇車路士同班鬼仔鬥嗌. 相信係英國,現場睇一定更加澎湃. 英國球迷又出名瘋狂, 真係好期待. 兩個 '盲中中' 點都要搵支盲公竹, 諗諗下, Antony 又係差不多時候結婚週年. 一於邀請埋佢o地, 好在Antony無嫌又要去英國一口應承. 好!!有領隊O勒.

除o左英國睇波, 仲想去多一個國家, 西班牙, 法國, 德國, ..., 最後篩選結果-法國. 好似浪漫d (合結婚週年), 又多景點. 不過因為大家都選擇休閒一點的旅遊, 最後取消南法.

地點選定, 目標明確, 開始計劃行程. 一如Antony所講, Planning 永遠最開心, 天馬行空, 每晚都透過Skype通宵達旦去計劃. Antony又借又買各式旅遊書, Dorothy又不停係網上搜尋資料. 真係所謂-未出發,先興奮.

計劃難題
難題1) 本來只係諗住睇一場曼聯主場比賽, 點知因為同事先過我攞假, 公司工作時間編排同埋朋友結婚, 加上曼聯要踢歐洲超級盃, 賽事要重新安排, 最後只得一場波揀 (重係作客tim). 不過作客波飛比主埸更難買, 多多規矩, 仲無得公開發售. 幸好朋友Jenny拍心口應承幫我地張羅, 先可以放下心頭大石. 雖然好耐先放得低, 都要大力多謝Jenny

難題2) 大家都認為去聖米歇爾山一定要住係山入面o既酒店, 因為其他行程同預定未能落定..險些所選o既酒店無o西房. 幾經email交涉, 最後都可以定到兩個房.

難題3) 無曼聯主場波睇, 諗住都join番個 ManUtd Stadium & Museum Tour, 可惜奧脫福係預定日子要打Rugby加埋要佈置, 所有tour係果幾日完全取消. 幸得Antony靈機一動, 思前想後, 又踱到個行程我同Dorothyo係去Lake District前先到Manchester參加Tour.

難題4) Antony 同 Dorothy 為o左睇住Sponsor個荷包(又或者要留番d彈去吃喝玩樂),好努力去搵又平又企理o既酒店. 又book 又Cancel, 不停搵, 都幾困難.

難題5) 本來可以選坐飛機或EuroStar來回英法, 諗住試下坐火車穿梭兩個國家(唔係去深圳果隻). 訂飛之後遇上英法隧道火燭, 見到新聞有遊客大失預算, 係火車站等. 你都咪話唔驚. 好彩出發前已經恢復有限度服務, 到我地搭果日應該無事卦?!

突破 - Antony突然發現我地旅行日期可以睇多場英格蘭主場比賽, 不過又怕超出預算. 幾經爭扎, 橫豎都去o左, 豪埋佢. 無就唔爭在, 有就唔志左....哈. 好在考慮了一陣先扑鎚, 居然有60鎊中場近距離位(比起50鎊o既山頂位), 好抵. 當然Antony又快速地再度行程配合呢場比賽.

正,歐遊加兩場波... 期待出發!!