終於到達倫敦，天氣就真係麻麻地，係白金漢宮睇換班時, 又大風又大雨又凍, 我著住雨羽絨帶住帽，都頂唔住，不停流鼻水，唯有出動我既秘密武器 – 口罩黎擋擋風, 最後連傷風藥都食埋, 第一日我就攪成甘，之後唔知點算？
我呢個為食精，都無得救，唔舒服到甘都仲想去食咸牛肉飽，其實係旅遊書介紹的, 因為形容得太吸引喇，又以為好近地鐵站, 最終行了好遠至到, 真係有d覺得對佢地唔住, 買左個飽後, 好開心, d咸牛肉好味兼好肥美, 仲要係有好多咸牛肉，d咸牛肉有d似咸牛脷, 3英鎊咋, 唯一美中不足係個飽唔熱. 其實咸牛肉肥唔肥美,係撞彩的，我地買左後, d牛肉係瘦d架，四個人裡面係得我食得肥膩，可能佢地想買到瘦d既! (Beigel Bake, No. 159 Brick Lane, Tel 071 729 0616, 24 hours)
我地頭兩晚同埋最後一晚都住係Paddington 既 Easy Hotel，因為貪佢平d新d同埋地點方便, 訂房時已經知d房細, 每樣野都要計錢, 例如存放行李, 收拾房間, 睇電視 . . . 但真係估唔到d房真係細得好交關，得張床, 廁所企缸同堆兩個掛勾咋 ! 連一張枱仔都無, d野可以放係邊 ？ 仲細過東京d 平酒店.
我地仲要被安排住係3樓, 間酒店係無Lift架! 最攪鬼係, 我地頭兩晚既房係分兩次訂，佢地竟然要我地, 第二日早上十點前攞埋行李check-out, 然後係三點鐘再check-in，我地以為自己聽錯, 明明連續住兩晚, 有什麼理由要check-out 再check-in 呀 ？連續住兩晚，仲幫佢地慳返收拾房間, 有無甘蠢 呀, 結果爭持一輪，佢地至肯放過我地, 你話佢地係唔係食古不化 ? 一 d 都唔 easy 呀!
No comments:
Post a Comment