Day 02 - 20101001 巴塞隆納 [Antony]

早上第一件事就是查詢行李找到了沒有，可惜還是音信全無，唯有去補給必需品．沿 La Ramble 漫步行逛兼買了一些日用品後再到 St. Josep Market 遊覽兼食早餐，這一餐相當好味，不過貴少少．





















路經 Placa Reial 拍照留念．返到 apartment 放低物品，Wi-Fi 還未掂，聯絡 office，等了很久才話搞唔掂，下午會拿張無線咭給我們頂住先，唯有等啦．


心情麻麻之下，開始我們巴塞隆納 Gaudi 之旅．第一站聖家堂(Sagrada Familia)，嘩，人山人海，要排十幾二十分鐘才入到場．呢個景點最出名係興建了百幾年都係完成咗三份之一，真係慢工出細貨，內裡還是工地處處，佩服佩服．上塔頂都要排長龍兼要額外收費，山長水遠來到都係要上一上去，到此一遊．可能個個遊客都係咁諗，排咗個幾鐘才到塔頂，因架升降機又細又慢，然後由塔頂一路欣賞風景一路行樓梯落回地面，雖然又窄又斜又長又暗，不過我覺得都值得一遊，如果唔須要排隊更好．





















行完聖家堂，在附近找間餐廳食午餐．午餐後便步行去米拉之家(Casa Mila)和巴特婁之家(Casa Batllo)，入場費實在太貴，每間都要收十幾二十歐羅一位，都係外面影相留念算了，不過呢兩座建築外型都好特別，值得望一望.



















晚上到沙灘感受一吓地中海風情，沙灘旁有一個出名嘅地標 The Fish，還有個海彎泊滿了帆船，都幾靚又幾舒服，感覺唔錯．

今日係我們的結婚周年紀念日，朋友和我們一起到附近餐廳食海鮮慶祝，海鮮偏鹹唔係好啱我口味，但個 Pizza 就唔錯。

晚飯後回 apartment，但都係上唔到網，因為張咭沒有送來，究竟我們幾時先可以上網呀．有個好消息行李已經找到兩件明早送到，還欠一件，只好期望明天會更好．