坐夜車由巴塞隆納去格拉納達(Granada)，我們買了兩人車廂有床個隻，雖然幾搖吓但都睡得著，一早就到完全冇浪費時間，都係一個唔錯嘅選擇，不過車費就貴啲．
晨早落車都幾寒吓，可能這地方係山區裡邊，好彩早有準備．首先去酒店，諗住冇房都可以放低行李，好彩佢又俾到房，立刻整個熱水澡熱一熱個身，成個人都精神晒，超爽．
之後去旅客服務中心攞地圖和問邊度可以買巴士票去之後的目的地(Malaga，Sevilla)．因為上網要俾手續費兼每次最多５張，我們六人要分兩次買，怕買唔到一齊去，之前都驚買唔到飛打亂行程，不過上網找資料又冇人話買唔到，所以胆粗粗去到先買，但原來都要俾附加費，還是每人計，不過可以預留坐位都唔錯(預告：不過有等於無，激氣)．
買完後係附近餐廳食早餐，之後便開始我們今天的行程，因預定了下午時段去睇皇宮，所以便在市中心附近行逛，經過大教堂和皇家小教堂，只在外面拍照沒有入內參觀．
再走進小巷，感受到好濃厚阿拉伯色彩，好特別．
逛完後還有時間便坐車上山然後慢步落山欣賞這個阿拉伯式城市兼找地方食午餐，原來太早係冇得食嘅，幾經艱辛先找到一間，快快地食完便出發去今日重頭戲：阿爾汗布拉宮(Alhambra) 和 赫內拉利費夏宮(Generalife)．整個宮分三部份，城堡，宮殿，花園(睇相不作介紹)．足足行了兩幾鐘都行未完，不過都是一個不錯的旅遊景點，值得去遊一遊．
之後回酒店小休一回再行動，下一站阿爾拜辛(Albayzin)小城區，分兩部的士去 Pl. San Nicolas，可惜我部的士落錯地點，幾經辛苦才會合到朋友，真係嚇餐死．係個廣場可以遠眺阿爾汗布拉宮，還俾我們撞正開始日落嘅時間，個景都幾靚．欣賞完後便慢步落山再次感受這個阿拉伯式城市，可能我未見過，都唔錯，兼大部份屋都係白色，都有白色山城 feel．
回到酒店附近有一間餐廳食自助餐，都幾多選擇，味道都 ok．食完回酒店收拾行李明天早車去下一站馬拉加(Malaga)．
Subscribe to:
Post Comments (Atom)
No comments:
Post a Comment