今天去白色山城內哈爾(Nerja)和弗里吉利亞納(Frigiliana)，因班次比較頻密和車站在市中心(我覺得)，所以唔須要太早出發，諗住搭唔到都可以係附近流連．不過我們都順利上車，個半小時後我們便現身於 Nerja．
車站附近都係冇旅客服務中心，不過就有個大地圖在路邊，好過冇啦．我們在車站附近找間餐廳食早餐，個英式早餐都幾豐盛，味道都 ok．
食完便出發去第一個景點歐洲陽台(Balcon de Europa)，一條路行到尾就到(睇地圖)，好似好易．路兩旁都是白色屋仔，好有地中海 feel．還有很多店舖，一路逛一路感受吓歐洲小鎮風情，十分舒適寫意．沿路還遇上不少穿著佛朗明哥舞衣的女孩子，好可愛，我們幫她們拍照時，她們還識擺 pose，十分專業，唔知係咪有特別表演呢，周圍昅吓先．
終於到達海邊，個陽台真係得個平台，不過對住個地中海，一望無際，都幾正架，只係今日風太勁雲好厚，希望唔好落雨喇．影完相後在附近轉個圈，有間旅客服務中心，還有酒店，餐廳，小販檔，我們幫襯咗即炸薯片，都唔錯超新鮮．還遇上一大班穿著佛朗明哥舞衣的成年女士，好多旅客圍住她們拍照，我們都唔執輸，不過都係唔知有乜活動．之後我們靜雞雞穿過間酒店落到海灘，唔知係咪酒店嘅呢，如果唔經酒店要兜好遠才可以到，踏吓沙影吓相，都幾開心，可惜天公不做美，開始下起毛毛細雨．
不過唔影響我們行程繼續去下一站白色山城 Frigiliana，沿路返回車站再坐另一架巴士上山，雨越下越大，唯有在山上車站旁食午餐等停雨．間餐廳環境都唔錯，還安排我們上二樓，只得我們冇其他客人，超正，食物水準都唔錯，我還記得碟蝦，熱騰騰出晒煙，好好味．
可惜食完後雨還是沒停，山長水遠來到，冇理由唔行吓就走，我堅持要周圍行，辛苦朋友們陪我，雨又大路又斜，路面還好滑十分驚險，所以行了一陣都要放棄，真掃興．回程時經過一間酒舖，係自家釀造，試咗兩杯，買了兩小支做手信．之後再俾我發現一間手信店，買了一些手信，有收穫可以返歸．
返回馬拉加，天氣還是麻麻但已沒有下雨，我們便四圍 look 直到食完晚餐才回酒店，今餐味道麻麻兼價錢貴．明天要離開這裡向南部最後一站塞維利亞(Sevilla)出發．
Subscribe to:
Post Comments (Atom)
No comments:
Post a Comment