Day 08 - 20101007 馬拉加 [Antony]

一早出發去車站，到達後還有時間便到車站內餐廳進餐．當車到達後，因我們要放行李兼已預留座位，不急著上車，可惜當我們上車時位置已被人佔了，同司機講佢只答"NO,NO"，冇留位服務就唔好扮有喇，激鬼死．我們各自各找位坐，兩個幾小時冇講嘢冇得影相(因不是坐窗邊位)，超悶．

當到達馬拉加(Malaga)車站，想找旅客服務中心，原來火車站係無嘅，只有一個 counter 賣地圖，５毫子歐羅一張好貴但都要買．到達酒店只有一間房準備好，好奇怪佢唔肯俾我們將所有行李放在房內，不過我們扮聽唔明冇理佢，行李放在房內一定安全過放在大堂啩．

放好行李便出發，第一站係酒店附近的街市，佢哋嘅街市真係又乾淨又整理，行起來好舒服．之後便到附近餐廳食午飯，然後繼續四圍 look．

因之後兩天我們會去隆達(Ronda)同內爾哈(Nerja)，所以步行去海旁的旅客服務中心問吓路，去 Ronda 嘅車站原本係今早到達嘅車站，都唔明啲旅客服務中心點解唔係車站內，依家想買飛都買唔到，唯有明天早啲去車站買飛．

本來想參觀 Alcazabra，但同那裡的職員溝通後，知道現在沒有車上山去 Gibralfaro，所以我們決定遲些再回來．之後便去大教堂，沒有入內只在外面影相，那裡都很幽靜給我很舒服的感覺，遊完後在附近廣場內的露天茶座休息吓．

之後我們分成兩組，一組係景點團，顧名思義係去睇景點．另一組係生活體察團，做咩，可能係四團行，感受吓西班牙的風土人情．

我係景點團，第一站去海灘，雖然沒有靚女，天氣不算太好有雲，但望著地中海，聽著激昂的海浪聲，感受著海風迎面打來，超好 feel，正．

然後行過附近的鬥牛場，齋係外面影相，因十月已沒有鬥牛睇．

之後沿住海旁大路行吓影吓相慢步去下一個景點 Alcazabra & Gibralfaro，原先以為要去 Alcazabra 入口坐車上 Gibralfaro，後來見到有地方可以詢問，原來係搭普通巴士上山到 Gibralfaro，便返回大馬路旁的巴士站等巴士，等了十多分鐘後終於上到車．Gibralfaro 只剩下一些殘破不全的城牆，不過可以在高處看到整個 Malaga 市外貌，都不錯．原先看地圖以為有路由 Gibralfaro 直落 Alcazabra (因我們買了套票遊兩景點)，找了很久也找不到路，後來問人才知兩景點係唔連接的．要從入口離開，再慢步落山，雖然辛苦一些，但由山上慢慢下來，沿途可以看見碼頭，鬥牛場，海岸線和一些特色的建築物，風光如畫，都值得一遊．之後再逛 Alcazabra，還是剩下一些破舊的建築物和石頭，有一些還只得個大概，原本面貌係點都睇唔出．因約了朋友在酒店集合，只好快快地走了一圈便離開．

在酒店找回朋友後便一起去食晚飯，之前她們體察環境時已找到餐廳食晚餐，完全冇浪費時間，直接到餐廳，味道很好兼價錢實惠，食完飯便返回酒店休息準備明早去隆達(Ronda)．