今天我們坐下午火車去馬德里(Madrid)，所以還有時間在塞維利亞(Sevilla)遊覽．我提早起床在酒店內四圍拍照，因我覺得間酒店幾有特色，影完後便和朋友一起去大教堂附近找餐廳食早餐，一路上行人很少，可能昨晚他們玩得太夜了．找了一間有西式早餐的餐廳，味道都唔錯．
之後我們兵分兩路，我和 Alex 去影日間嘅黃金塔(Torre del Oro)，其他人就去 shopping．我們見昨天冇搭電車，所以上車搭了兩個站，其實距離好近，不過我們貪玩想坐吓，好快便要落車再步行去黃金塔．日間嘅黃金塔冇乜特別，不過在它旁邊的河岸，個景就幾靚，都值得一看．
之後我們慢慢行返預約地點，途中經過地鐵站，便下去參觀吓，主要望吓有冇站到火車站，不過沒有，當我們想影個路線圖時，保安立即阻止我們，駛唔駛咁緊張呀影個牌啫．
返到約定地點附近還有少許時間，我立刻行動，做乜，緊係 shopping 啦，哈哈，話咁快又有斬鑊．之後回酒店拿行李坐的士去火車站，在站內買了麵包做午餐便上車向最後一站西班牙首都出發．
經過兩個多小時，終於到達首都 Madrid．火車站有地鐵連接到市中心 Sol 站，一出站，嘩，人山人海，可能明天是國慶日，所以好多人都冇返工(我亂估)．間 apartment 兩房一閣樓兩間浴室，不過都幾 open 架，客廳可以看到閣樓，閣樓同其中一間房打通，可以互望，兼還可以睇到一間浴室，所以有人沖涼就唔可以上閣樓，超奇怪的設計．
放低行李後便去主廣場(Plaza Mayor)的旅客服務中心拿地圖和查詢吓．之後經過火腿博物館(Museo del Jamon)，不過唔係真嘅博物館，只係有好多火腿賣，參觀兼食咗個 jamon 包便繼續行程，個包好好味，要 encore 先得．
然後步行到附近的 Market (Mercado San Miguel)，唔係普通街市，似新加坡嘅熟食街市，主要係賣熟食，不過高檔好多，即係啲嘢貴好多，都有很多選擇，啲食物睇落都唔錯，還看見很多人幫襯．
參觀完後便出發去名店街逛逛(=放血)，當坐地鐵時我都有些緊張，之前係巴塞的不幸經歷，但冇事發生兼感覺唔到有人留意我們，唔通明天係國慶日，小偷都放假(又係我亂估)．去到名店街，很多店舖都開始關門，我們立刻加快行動，終於老婆大人都有斬獲，皆大歡喜．
之後返回主廣場食晚餐，嘩，點解物價指數差咁多，係南部，十蚊八蚊一餐，現在要二十幾蚊，巴塞都唔須要咁貴啦，味道平平無奇．食完返 apartment 休息，明天一早要去塞戈維亞(Segovia)．
Subscribe to:
Post Comments (Atom)
No comments:
Post a Comment