今天是最後一日係西班牙，坐下午機飛倫敦，不過早上沒有安排行程，只係遲少少起床．早餐食昨晚買定嘅 jamon 包，一樣咁好味．
收拾好行李便坐的士去機場，因為要攪退稅所以預早到機場．未出境前要找地方檢查退稅品，不過原來出咗境都仲有，還不只一兩間，只係退錢的地方比較難找，攪到我們係機場遊花園．開始時唔清楚啲 logo，走錯咗去檢查退稅品處，想返轉頭又要過檢查，我本來想除皮帶穩陣啲，但保安叔叔話唔須要，點知過 x-ray 時個 alarm 就叫，俾人搜全身蝕抵晒．
終於準時到達 London，我們要分道揚鑣．二位朋友和我老婆轉機返香港，我和其餘二位繼續我們夢想之旅，呢一站先係我們嘅重頭戲．在機場依依不捨地分手後，我們辦理出境手續，我有些少緊張，因為前幾次來英國都俾人留難，今次係一位英籍女士招呼我，不過佢好好人，有傾有講，只不過當我話去睇波時，佢嘅表情好似覺得我嘥錢．
離開機場便坐地鐵去 Euston 站轉火車，上網找資料要一小時才有一班地鐵出市區，點知原來好密，預得太鬆動，早咗兩三個鐘到達火車站．唯有係站內 food court 食住等，等吓又食，終於捱到上車，但坐位好窄兼全車滿坐，捱咗兩個鐘終於到達 Manchester．天氣比西班牙凍好多，唔怪得知好多球星都喜歡西班牙多啲喇．
我們 book 咗間 Service Apartment 式酒店，係火車站附近，都好方便．話咁快辦理完手續便上房，嘩，超大間，大到都唔識形容，好正．
明天要早起去 Carrington 訓練場追星，所以收拾行李後便去休息，不過心情好緊張，唔知明天順唔順利呢，希望可以夢想成真見到傑斯．
Subscribe to:
Post Comments (Atom)
No comments:
Post a Comment