今日第一站到哥德區(Barrio Gotico)行逛，首先到聖哈烏美廣場(Placa de Sant Jaume)，廣場內有巴塞隆納市政府(Ajuntament)和加泰隆尼亞自治區政府(Palau de la Generalitat).
我們在外面拍照後，再轉入畢斯貝街(Bisbe)，看見連接兩棟建築的空中走廊，幾有特式．
繼續向前行到達大教堂回廊(Claustro)，回廊內環分佈很多祈禱室，每間擺放不同的雕刻作品，原來是中世紀行業團體供奉古時行業的保護神，哈哈，我冇留心睇所以睇唔出．中間花園種了很多棕梠樹，還有很多白天鵝在池塘邊游吓游吓，幾咁寫意．
離開迴廊走到巴塞隆納大教堂正門，嘩，人山人海，可能今日是星期天，有很多信徒來做禮拜，所以我們沒有進內參觀．在教堂前看見有很多西班牙人圍成一圈圈在跳Sardanes舞(加泰隆尼亞民間舞蹈)，還有一大隊樂隊伴奏，玩嘅人開心，睇嘅人都好開心，超正．
之後我們到畢卡索博物館參觀，因為今天是免費進內，所以人很多，入館也要排長龍，我們等了一小時左右才能入內．未入時我以為會看到很多抽象派畫，我究竟可唔可以睇得明，值得排咁耐嗎？睇完後原本大部份都是早期作品，寫實居多，不過都有一些抽象的，唔錯，可以吸收一些藝術氣息．
睇到唔記得食午餐，係附近找間食Tapas嘅餐廳.
食完後便到世界遺產聖保羅醫院，在外圍走了半個圈才看見紅磚建築，幾有特式，靜靜雞走入去影了一堆相後便鬆人．
之後再坐地鐵到西班牙廣場，一出站望落無乜特別，一個花圃加個石雕在迴旋處中心，又唔行得近，有啲失望，但望吓望吓比我們看見兩座塔(原本叫威尼斯塔)，再望遠啲，看見一座建築物(原來係加泰隆尼亞宮，加泰隆尼亞藝術博物館MNAC坐落其中)，幾宏偉呀，便一路向前行一路影相，到達宮前有一個噴水池但冇開．因為這裡給我們的感覺實在太舒服，便坐低飲汽水食雪條，欣賞吓周圍景色，感受吓寧靜的環境，望吓啲小朋友玩耍，幾咁優哉游哉，不經不覺已日落西山便打道回府．
回到 Placa Reial 選了一間餐廳食晚飯，食完覺得好飽，便沿 La Ramble 行去海邊，晚上的 La Ramble 有好多表演，都好有趣．經過哥倫布紀念柱，便到 Port Vell，晚上景色都唔錯，明天一定要再來幫佢影一輯沙龍，在海邊吹着海風，所有不快亦都隨風而去，超正．
來了幾天，今日玩得最開心，最寫意的一天．
No comments:
Post a Comment